锦泉眼镜:畀街坊多一双慧眼

2013-11-22 00:00:00    
字号:T T
摘要:锦泉眼镜,第一间门店由郭炳老师傅创立于1956年小北路,其前身系“联合眼镜水笔生产合作社”。1988年,由其徒弟何锦泉先生接管,正式更名为“锦泉眼镜”。

    郭炳老师傅以前用嘅制作眼镜工具。

    1980年代,联合眼镜水笔生产合作社门前,何锦泉与郭炳老师傅在一起。 图片由受访者提供

    第二十一期「锦泉眼镜」

    锦泉眼镜,第一间门店由郭炳老师傅创立于1956年小北路,其前身系“联合眼镜水笔生产合作社”。1988年,由其徒弟何锦泉先生接管,正式更名为“锦泉眼镜”。锦泉眼镜系一间保留咗优秀嘅广州文化嘅老字号眼镜店,其诚信务实嘅精神、灵活嘅销售方式、独特嘅亲情式服务,令其从一间只有3平方米嘅小店发展到如今拥有13间分店。本次采访,记者揾到锦泉揸Fit人泉哥,听佢讲从跟师学艺到独立经营嘅故事。

    德艺双馨,成就“眼镜大王”

    南都:锦泉嘅前身,系联合眼镜水笔生产合作社,据闻系由郭炳老师傅喺1956年创立嘅。喺当时嘅环境下,郭炳师傅点解会创业呢?

    何锦泉:郭炳喺开呢间铺之前,系喺一间国营合作社度做嘅。后来,佢觉得啲制度比较死板,冇咩自由,噉就自己出嚟,喺小北路口开咗间3平方米嘅铺头。郭老师傅嗰时都不过系廿几岁。而且当时度度都系国营,佢都好惊人话佢资本家,所以就将规模做得比较细,一个人做,铺面又整到比较简陋,连个名都改成“联合眼镜水笔生产合作社”。

0
iTAG:

相关文章